aey Jindagi meri....

Aey Jindagi meri tu Jiney ki ek wajah dey de....

teri is mohabat mein ji loon ek aise wajah dey de....

marti hun tujhe  dekhne k liye, jabki jeeti hun tere liye 

aankohon ko meri aaj khoolne ki ek koi wajah dey de...

soti hun ye soch key dekh loongi sapney mein tujhe...

ye mere armaan mujhe soney ki ek wajah dey de....

bikhar gayi hun intezar mein tere yun hi kabse...

ae meri tamanna mujhe khilne ki ek wajah dey de.....

humsafar sirf tujhe hi maanaa hai jindagi k safar mein..

ae chahat meri, tu chalne ki aaj ek wajah dey de....

jina chahati hun baahon mein teri aakhir dum tak...

tab tak ye jindagi meri, tu jeeney ki ek wajah dey de....

Wo koi sirf jo mera hai

  Baarish ki thandi boondon mein sulgati si mein

  Har chooan pe pani ki phighalti si mein

  Saanson ko apni sambhal thehrati si mein

  Kisi k intezar mein tadapti si mein…..

 Koi to chehra hoga kabhi baahon mein meri

 Kisi k to ehsaas se jagengi ye palkein meri

 Koi to dil aayega sambhalne is dhadkan ko meri

 Kisi ki to baahon mein simat jayegi ye duniya meri…

 Soti hun ek anjaan k sapnon k sath mein

 Uthti to tujhe dekhne k liye tadapti mein

 Din sara guzarati hun tujhe dhoondti si mein

 Sham hote kal k intezar mein bifarti si mein…

 Suna hai bana hai koi har kisi k liye

 Mere koi tujhe pukarti har jagah hun mein

 Ye khuda diya tuney wo sab jo chaha guzar k liye

 Wo sathi mera dede mujhe ab jindagi k liye….

  

ye kya kiya meine

" Teri Har justzoo har rang se mooh mod liya meine
   utaar mehandi haathon se, kafan hasraton ka kuch yun odh liya meine

   kyun ye jindgi apni, aaj apni si nahi lagti
   saansein bhi kisi aur se maano udhar li ho meine...

   Kya sapne the mere , kya khwahisein baki hai
   aankhein bhi or dil bhi kisi or ka mano udhar liya ho meine..

   Jo guzar gaya wo bhi kisi aur k liye tha jiya
   aaney wale pal bhi kisi aur k liye hi maano paye ho meine...

   Tamannayein bhi toot gayi, aarzooein bhi dum tod rahi hai
   apni har chahat se mano koi khilwad kiya ho meine...

kuch to madad kar de.....

nahi chaha tha pooch kar ke tujhse, janti hunn..
ab bhool janey mein hi sahi, kuch to madad kar de..

teri yaadein hun simti padi hai dil mein mere
jyon koi sheesha rakha ho pathar k dher mein..

dekh to kitna udaas hai aasmaan ka chand bhi tanha
uski muskurati chaandni usey dene mein kuch to madad kar de...

kisne likha tha pehla afsana chahat ka, malum nahi
na janey kyun sab diwano ki kahani ek si lagti hai..

sez pe sazi kaliyan b dum todne lagi hai, tere intzaar mein
mohabat ki is nishani ko mehkane mein kuch madad to kar de...

socha bhool k tujhe nayi duniya ek basa loon
gar itna aasan hota yun bhoolna to koi tanha hi kyun hota...

kuch dino k liye aaye aur yun hi chale gaye
shama intzaar ki jalti rahe kuch madad to kar de....

ek baar fir...

aaj ek fir ehsaas hua tere bewafa honey ka
jisey kabhi paya hi na, us apney ko khoney ka....


har roz uththi hun ye soch aaj mohabbat meri shayad rang laye
din chadte hi dekha berang hai duniya berang hai tere saaye........


cchhat pe khadi chaand dekh socha, tu bhi kahin yun dekh raha hoga isey
bhool jati hun sirf mere hi dil mein dhadkte hai ye mohabbat k kissey.......


ye b kaisa fark hum dono mei, mein sirf teri aur tu itna begana 
ek sirf soche ishq ko ek sirf khud ko, chaandni ye b kaisa fassana.........


wo kya hai jiski aaj bhi tujhe talaash hai ye meri takdir
kyun beraunak hai aaj bhi mere khwahison ki ye tasvir......


aaj fir ek baar ehsaas hua tanha honey ka
meri bandh muthi se yun sapnon ki ret khoney ka.....


Aaj ek baar fir.....

Kuch kaha to Hota

Tumne jana hi tha janti thi mein

Par jate jate kuch kaha to hota

Palkon pe sajaye jo khwab they meine.. yun bikhar jayenge socha na tha

Meri neend tootne pe kuch kaha to hota….

Pathar si khadi tujhe jate dekhti rahi mein

Ek baar palat k kuch kaha to hota

Yaad hai jab mila tha tu aankhon se meri baatein karta tha

Aaj jab meri aaankhein band ho chali hai hothon se kuch kaha to hota..

Meri jindgi ka ek tu hi sabab tha, tu hi jiney ki wajah

Maut se ladd jati mein ek baar jiney ko kaha to hota..

Ek teri umeed pe thama tha hath tera

Yun tanha cchodne se pehle kuch kaha to hota….

Aa jao

Ajab Sham Khadi Hai Kahin Se aa Jao !!
Bari Udas Ghadi Hai Kahin Se Aa Jao !!

Kisi Se Milna Or Mil Ke Bichar Jana !!
Saza Ye Itni Badi Hai Kahin Se Aa Jao !!

Bada Kathin Hai Ye Hijr Ka Mosam !!
Judai Bol Padi Hai Kahin Se Aa Jao !!

Zamana Jise Samjhta Hai Motiyon Ki Chamak !!
Wo Ansu Ki Lari Hai Kahin Se Aa Jao !!